وصية اخو لأخوه

    شاطر

    مجنون حب
    عضو جديد
    عضو جديد

    عدد المساهمات : 9
    نقاط : 0
    تاريخ التسجيل : 01/12/2008

    وصية اخو لأخوه

    مُساهمة من طرف مجنون حب في الإثنين ديسمبر 01, 2008 8:01 am

    واحد اسمه علي جاه مرض و قالوا له انه بيموت

    كتب الشعر لأخوه يقول له فيه

    ان يتزوج حبيبته و يبي من أخوة هذا انه يخليها تنساه

    اقرأ القصيده والله تستاهل وراح تعرف معنى الحب والعشق
    .
    .
    .
    .
    .

    وصاتي لك من بعدي ........ تموت فيها علشاني

    ابيها تعيش و تحيا بك ........ واظل بالذاكره مفقود

    وصاتي لك تنسيها ........ ملامح وجهي و تنساني

    وتعزفها قصيدة حب ........ على عكس اللي عزفته بعود

    وصاتي لك تبعدها ........ عن اشعاري وقيفاني

    تراها مغرمة بالحيل ........ ويشهد لي عدد الردود

    وصاتي لك تسايرها ........ ترى فيها من احزاني

    طلبتك لايضيق بالك ........ طلبتك والطلب مردود

    وصاتي لك تناديها ........ حياتي..عمري..ازماني

    انا عودتها دايم ........ ادلعها وانا موجود

    وصاتي لك تعاملها ........ بطيبه قلب و احساني

    تراها تذرف الدمعه ........ ودمعتها بليٌا حدود

    وصاتي لك تحفظها ........ سور وآيات قرآني

    وتخبرها عن الميت ........ رحل لايمكنه بيعود

    وصاتي لك ترسمها ........ على قبري وأكفاني

    ابيها لوحة تبقى ........ على طول الزمن محدود

    وصاتي لك تمازحها ........ وتشوف الضحكة بأسناني

    سعيتك ياضحك هالكون ........ طلبتك لاتصير جلمود

    وصاتي لك تقهويها ........ من دلالي و فنجالي

    تراها تعشق السمرا ........ ويكفيها دخون العود

    وصاتي لك تركبها ........ على خيلي و على حصاني

    وربي فارسة من قلب ........ شهادة ماهي لشهود

    وصاتي لك تسفرها ........ بلاد الشام و لبناني

    ترى يحلالها تقطف ورده ........ وردة من بلد الورود

    وصاتي لك تراقصها ........ على الحان رحباني

    ترى فيها عرق خالة ........ وفيها من جنون السود

    وصاتي لك تحببها ........ فأبونورة بعد هاني

    وتنسيها ندم غلطة ........ انا فيها ترى المقصود

    وصاتي لك تكرهها ........ في تاريخي و عنواني

    أبيها تلعن اللحظة ........ وتلعن كل فرح موعود

    وصاتي لك تكلمها ........ عن المجني وعن الجاني

    وتخليني انا الظالم ........ وانا من حرق الاخدود

    وصاتي لك تشبهني ........ بدم أحمر قاني

    وانا هالقاتل السفاح ........ مجرم من عصر نمرود

    وصاتي لك تحلفها ........ تتوب تحبني ثاني

    ترى يكفيها ماعانت ........ ويكفي حيلها مهدود

    وصاتي لك تنسيها ........ وصية قالها لساني

    أنا اخبرك رجل موقف ........ وانت قدها وقدود

    اخوي مالقيت غيرك ........ يعرف وشلون تنساني

    أمانه ضمها بقلبك ........ ترى علي رحل مايعود

    الشاب المتميز
    ۞ إدارة المنتدى۞

    عدد المساهمات : 3058
    نقاط : 621
    تاريخ التسجيل : 04/02/2008

    رد: وصية اخو لأخوه

    مُساهمة من طرف الشاب المتميز في الثلاثاء ديسمبر 02, 2008 12:08 am

    جميل جدا ها النص الشعري الرائع

    حسين بن طالب
    عضو ذهبي
    عضو ذهبي

    عدد المساهمات : 2238
    نقاط : -3
    تاريخ التسجيل : 15/06/2008
    العمر : 29
    الموقع : تومسون رود - سنغافورة

    رد: وصية اخو لأخوه

    مُساهمة من طرف حسين بن طالب في الجمعة ديسمبر 05, 2008 11:50 pm

    مشكووور وماقصرت مشاركاتك متميزة جدااااا

      الوقت/التاريخ الآن هو الأحد ديسمبر 04, 2016 1:11 am