غزل كلن يمسك نفسه

    شاطر

    ابو عيضه
    عضو ذهبي
    عضو ذهبي

    عدد المساهمات : 482
    نقاط : 160
    تاريخ التسجيل : 15/03/2008
    العمر : 29
    الموقع : النايفات

    غزل كلن يمسك نفسه

    مُساهمة من طرف ابو عيضه في الإثنين أكتوبر 20, 2008 10:27 am

    طفح كيــل القصيـــد اللي نزفتــه وابتدا الموال
    ................وانـــا لازلـت ادور لـك كلامٍ يســـتـر اوراقي

    ادور في مجاهيـــم القـصايـــد مايثيــر البـــال
    ............عساني لاوصفت اوصف حلاك وأكــسر وثــاقي

    انا لاشفت هالكحل بطرف عينـــك ازيــد هبال
    ............ وازيد من الــجنون اكثــر جنــون وانثــر اشــواقي

    دخيلك لا تناظرني تــرى بعض العيــون خبال
    ............... دخيلــك لاتزيـــد الطيـــن بلــه وانــت فـ اعمــاقي

    دخيــل اجمــل عيـــون اللي شقاوتها تهد جبال
    .................... دخــيلــك لاتــجنني بهــا ثم تنــــوي فـراقـي

    دخيل احلى عيون اللي بها سحر وشموخ رجال
    ........... تخــليني معــاهــا ارحــل بعــيـــد وتـوســع افــاقــي

    دخيل اجمـــل جديلٍ طاح من عالي مثل شلال
    ............علــى خــصرٍ نــحيل وعجــز وصــدرٍ كــمل الــباقي

    دخيلك والهـوى لامن تحـــرك ثــم جديلك مال
    ........... يمـيــل القـــد مع مــيل الــجـديــل ومعـــه خــفاقــي


    دخيل الجيـــد والعاتق دخيل النحــر والسلسال
    .............دخــيـل الشـــفتــين اللي تضيــــع هقــــوة الهـــاقــي


    وانا لاقلت بغرق بك ابغــرق ماعليها جــدال
    ..............ابــغرق ليــن يذبـحنـي ضمــاك ويطــفش الساقي

    دخيلك يوم انا جيتك وجيت بشيطنة اطفـــال
    ............... تخلـــينـي على الفطــره كـــذا لاتنـوي اغراقي

    دخيلك لا طفح كيل القصايد مانتهى المــوال
    ............... تخلـــيني ادور لـــك كـلامٍ يفـضـح اوراقــي
    والسلومه

    الشاب الطموح
    ۞ مراقب عام ۞

    عدد المساهمات : 3685
    نقاط : 202
    تاريخ التسجيل : 22/01/2008
    الموقع : على التكة

    رد: غزل كلن يمسك نفسه

    مُساهمة من طرف الشاب الطموح في الجمعة أكتوبر 24, 2008 11:36 am

    صح لسانك يالغالي على الكلمات القويه والجزيله منك .........
    تقبل مروري


    _________________

      الوقت/التاريخ الآن هو الجمعة ديسمبر 02, 2016 5:22 pm