خيل الحرشى بصوتن يشيب بالغرير .,,.ارس ياقلب المعنى

    شاطر

    بحر الغلا
    عضو فعال
    عضو فعال

    عدد المساهمات : 101
    نقاط : 0
    تاريخ التسجيل : 22/01/2008
    العمر : 30

    خيل الحرشى بصوتن يشيب بالغرير .,,.ارس ياقلب المعنى

    مُساهمة من طرف بحر الغلا في الخميس أغسطس 28, 2008 1:00 pm

    خيل الحرشى بصوتن يشيب بالغرير .,,.ارس ياقلب المعنى

    يقول القاف //

    يالله انك تستر الحال وتعز الفقير .
    يامعين الصابر الي على الشده صبر .

    يامغيث المستغيث ويامجير المستجير .
    من عذابك مالنا لا مكان ولا مفر .

    جعل تسقى قبور الاجداد بالوبل الغزير .
    وتصبح القيعان من حولها عشب وزهر .

    يوم كان الناس للناس والدنيا بخير .
    والبدو منهاجهم غير منهاج الحضر .

    ويوم كانت شبت النار في الثلث الأخير .
    والدلال الصفر والنجر وبيوت الشعر .

    ياوجودي وجد شيخن قضى عمره كسير .
    لابى جرحه وكسره جبر ولا جبر .

    كان قايد جيش والموت لامن جا يثير .
    يتحزم للثنادي وضربه بالصدر .

    لين جاته ضربة الغدر من كف الحقير .
    سود الله وجه راعي الخيانه والغدر .

    وين ابلقا لي رفيقن على الشده نصير .
    لا نخيته صار زبده مثل زبد البحر .

    لاتعزوى سل سيفه وطوح بالجفير .
    وقال وين ؟ وقلت لعيون براق النحر .

    راكب الي كن جنحانها جنحان طير .
    كنها حرن تعلى عن القاع وشهر .

    اسبق من الصوت وامضى من السيف الشطير .
    واسبق من السمع وابعد من حدود النظر .

    واثقل من طويق واخف من حب الشعير .
    والطف من الورد واقسى شوي من الصخر .

    شوفها غير .. وركوبها على الكشنات غير .
    ولا بغيت الجد كنك تمشى في قصر .

    ليت عباس ال فرناس شاهدها عصير .
    كان ماخاطر بنفسه وحاول وانتحر .

    كله هيبه وعزه وتطمح للأمير .
    ماتجي عند الخرافي ولا عند الصقر .

    لا استدارت كن ذا الكون كله يستدير .
    ولا استقامت تسحر عيون وقلوب البشر .

    ولا اعلن الكابتن وقال استعدوا للمطير .
    شلعت في رمشة العين وبلمح البصر .

    من ديار العز والطيب والخير الكثير .
    انطلقنا من الكويت وهبطنا في قطر .

    جيت من واقع محبه ومن قلب وضمير .
    لجل عين الي غلاها تمكن واستقر .

    في شراييني وقلبي وفكري والنظير .
    كل ماطولت عنها يجي دمي فقر .

    واتفقنا في المحبه وتقرير المصير .
    واختلفنا في المبادي و وجهات النظر .

    ماهقيت ان المحبه تبي دهنات سير .
    لين قالت " ويش ابي فيك ياوجه الفقر ؟ "

    كان تبغيني على طول يا سالم جخير .
    لا تعزوى بالعذارى وحسكات الوبر .

    خيل الحرشى بصوتن يشيب بالغرير .
    ارس ياقلب المعنى و اوقف ياشعر .

    واهني الي من الحب قلبه مستخير .
    ما اشتعل قلبه من الحب لين اصبح جمر .

    والمحبه تشعل القلب نبضات وسعير .
    كلها حزن ومعاناه واشواق وسهر .

    المحبه كنها الحزن في وجه الأسير .
    لاقضى صبره ودمعه على خده حدر .

    والمحبه كنها العلم في وجه النذير .
    لا ارتفع صوته ودقت مزامير الخطر .

    المحبه حمل والحمل في ظهر البعير .
    والبعير شعيل اما رغى ولا هدر .

    المجرب في المحبه يسمونه خبير .
    يستشيرونه ويعطي مواعيظ وعبر .

    وان ذكرت العلم الأول وبقى العلم الأخير .
    حالفن مامشيى ورى النفس والقلب الخضر .


    //

    روعه والله العظييييم ..

    يعطيني العافيه ..

    وسـلامــتـكـمـ

    الشاب المتميز
    ۞ إدارة المنتدى۞

    عدد المساهمات : 3058
    نقاط : 621
    تاريخ التسجيل : 04/02/2008

    رد: خيل الحرشى بصوتن يشيب بالغرير .,,.ارس ياقلب المعنى

    مُساهمة من طرف الشاب المتميز في الأحد أغسطس 31, 2008 1:41 am

    صح لسان الشاعر

    حسين بن طالب
    عضو ذهبي
    عضو ذهبي

    عدد المساهمات : 2238
    نقاط : -3
    تاريخ التسجيل : 15/06/2008
    العمر : 29
    الموقع : تومسون رود - سنغافورة

    رد: خيل الحرشى بصوتن يشيب بالغرير .,,.ارس ياقلب المعنى

    مُساهمة من طرف حسين بن طالب في الجمعة سبتمبر 26, 2008 8:51 am

    قصيدة جميلة
    ماقصرت

    باوزير
    عضو ذهبي
    عضو ذهبي

    عدد المساهمات : 822
    نقاط : 15
    تاريخ التسجيل : 18/03/2008
    الموقع : سيـــــــــؤن

    رد: خيل الحرشى بصوتن يشيب بالغرير .,,.ارس ياقلب المعنى

    مُساهمة من طرف باوزير في الأربعاء أكتوبر 01, 2008 1:39 am

    شكــــــــــــــــــــــــــرااااااااااااااا..................

      الوقت/التاريخ الآن هو الخميس ديسمبر 08, 2016 4:56 am