فقد الام واي فقد

    شاطر

    بحر الغلا
    عضو فعال
    عضو فعال

    عدد المساهمات : 101
    نقاط : 0
    تاريخ التسجيل : 22/01/2008
    العمر : 30

    فقد الام واي فقد

    مُساهمة من طرف بحر الغلا في الثلاثاء يناير 22, 2008 8:50 am

    ****فقد الأم وأي فقد****

    --------------------------------------------------------------------------------

    هذي القصيده كتبها شاب عمل حادث سيارة و والدته كانت معاه ..
    الوالدة توفت و هو اصابته كانت خفيفة و تعافى
    و من شدة ألمه و حزنه وإحساسه بالذنب كتب هذي الأبيات



    يواسيني وانا الميت وحالي يجبر الدمعات
    تسيل من الذي فيني ويبكي وهو يواسيني

    وانا ابكي واتنهد وارسم بالحزن لوحات
    يجبروني عشان امشي ورجلي ما تمشيني

    قتلت رعايتي بيدي قتلت الحب والرحمات
    حرمت النفس من حقها وانا ابكيها وتبكيني

    وكنه حلم قدامي يقيدني من الصرخات
    ابي اصحى ولكني عجزت القى ال يصحيني

    فداك القلب يايمه ومهما قلت من كلمات
    صغيره في كبر حقك بس اتمنى تعذريني

    نهبت الفرح من بيتي صحيح اني خسيس الذات
    صحيح اني ولد طايش وكل ما أسمعه فيني

    تجول عيونهم فيني تفصل مني قياسات
    وتشيح وجوههم عني وكني غيرت ديني

    يظنوا حزنهم اكبر وهم اصحاب هالمأساة
    وانا اتحدى اذا فيهم ربع ما يحترق فيني

    نقص قدري بعد موتك وغابت نشوة اللذات
    وصار الهم عكازي اباكيه ويباكيني

    عطيتيني بدون حساب ولا سمعتك تقولي هات
    وانا اشرب حيل من دمك ودمك ما يكفيني

    يايمه ارجعي كافي ابجلس معك لو لحظات
    واقبل ايدك ورجلك وافرش لك رمش عيني

    يايمه ما تحملهم يقولوا فات ما قد مات
    تعالي غيري هالقول واطيعك باقي سنيني

    واترك عادة التدخين وانفذ ما تبي بسكات
    واصلي الفجر في المسجد قبل منتي تصحيني

    يايمه ارجعي تكفين وطفي شمعة الآهات
    ابيك انتي ولا غيرك على موتك تعزيني

    وضميني وداويني مثل ما كانت الهقوات
    ما ابي احدن يواسيني ابيك انتي تواسيني

    دخيلك بس لا تبكي اذا شفتي بي الدمعات
    انا مقوى ابكيك اذا انتي تبكيني


    نقلتها لاخبركم من لديه أُم فل يجلس بقربها.. فاوالله لاحد يعرف قيمت الام حتى يفقدها


    [center]

    المؤرخ
    عضو متميز
    عضو متميز

    عدد المساهمات : 165
    نقاط : 0
    تاريخ التسجيل : 19/01/2008
    العمر : 28

    رد: فقد الام واي فقد

    مُساهمة من طرف المؤرخ في الخميس يناير 24, 2008 1:48 am

    شكرا يا اخي
    تسلم يا مبدع

    hassan
    ۞ إدارة المنتدى۞

    عدد المساهمات : 508
    نقاط : 56
    تاريخ التسجيل : 22/01/2008
    العمر : 25
    الموقع : www.tekah.com

    رد: فقد الام واي فقد

    مُساهمة من طرف hassan في الأحد فبراير 17, 2008 10:06 am

    شكرا يا اخي


    _________________



    الشاب المتميز
    ۞ إدارة المنتدى۞

    عدد المساهمات : 3058
    نقاط : 621
    تاريخ التسجيل : 04/02/2008

    رد: فقد الام واي فقد

    مُساهمة من طرف الشاب المتميز في الإثنين مارس 10, 2008 3:12 am

    صح لسان الشاعر

      الوقت/التاريخ الآن هو الجمعة ديسمبر 02, 2016 3:18 pm